कुठचं काही जुळत नाही

कुठचं काही जुळत नाही.

किती तरी दुर रहातो;

आठवण तुमची सतत येते.

धावत जाव तुमच्याकडे;

तर रस्ता फार दुरचा आहे.

या वेडया वाकडया विचारांना;

मनाची फक्त साथ आहे.

धावत जाते तुमच्याकडे;

त्याला वात्सल्याची आस आहे.

म्हणतात मुला व्यावसाय आहे;

शिक्षणाची काय गरज आहे.

मन मात्र खंबीर आहे;

शिक्षण हाच मार्ग आहे.

शिक्षणाची आस सुटत नाही;

पुस्तक हातून ठेवत नाही.

तुमचा विरह पटत नाही;

कुठचं काही जुळत नाही.

******   संभाजी  कृष्णा  घाडी

******  वेताळ बांबर्डे