पांडूरंगा

पांडूरंगा

किती पाहू वाट तुझी पांडूरंगा l

भारावले मन तुझसाठी ll

विसरूनी मी हा दुजाभाव आता l

शोध घेई तुझा पांडूरंगा ll

दु:खाचीया वाटे सुख मिळे  आता l

नाम तुझे घेता पांडूरंगा ll

मन धावते हे पंढरीच्या वाटे l

रूप तुझे तेथे दिसेना कसे ll

पांडूरंग असे दु:खीतांच्या संगे l

द्यावयासी सुख दु:खीतांना ll

पांडूरंग असे पिडीतांच्या संगे l

द्यावया आधार पिडीतांना ll

सापडेल वाट तुझी पांडूरंगा l

चुकणार नाही आता कोठे ll

दु:खीत पिडीत असतील जेथे l

तेथे पांडूरंगा पाय तुझे ll

*****   संभाजी  कृष्णा  घाडी

*****  वेताळ बांबर्डे