मनी आस अजूनी आहे
सांग भेटशील कधी तू , वाट तुझी मी पाहत आहे.
तुला भेटण्याची माझ्या, मनी आस अजूनी आहे.
तुझी आठवण मजला नित्य सतावीत आहे.
तुझ्या विरहात माझा, जीव व्याकुळ होत आहे.
कधी भेटशील सांग ना तू, तुझी वाट मी पाहत आहे.
तू भेटशील मला, मनी आस अजूनी आहे.
किती पहिली स्वप्न आपुली, तुझी आठवण नित्य वाहिली.
चित्त माझे नित्य तुझ्या, अवती भवती घिरट्या घाली.
तुझ्यावर माझा सखे, अजुनी दृढ विश्वास आहे.
केव्हातरी येशील तू, मनी आस अजूनी आहे.
गेलीस जरी तू कधी समोरून माझ्या,
मला भेटण्याची तव मनी नसे इच्छा.
खंत हीच मनी मम नित्य जाळीत आहे,
तरी भेटशील मला, मनी आस अजूनी आहे,
मला भेटण्याची ओढ, मनी जरी नसली तुझ्या.
पूर्ण करशील का तू? माझ्या मनीची एक इच्छा,
सांग सखे लटकेच मला, आजूनही मी तुझीच आहे.
येशील तू भेटण्या मला, मनी आस अजूनी आहे.
श्री. संभाजी कृष्णा घाडी
वेताळ बांबर्डे, कुडाळ, सिंधुदुर्ग
No comments:
Post a Comment