नाती कशी अशी ही...

 नाती कशी अशी ही...

​नाती कशी अशी ही, विस्कळीत झाली l

जी हृदयानजीक होती, ती फार दूर गेली llधृll

​गेले किती उन्हाळे, पावसाळे किती गेले l

नाती जळून गेली, नाती धुवून गेली ll१ll

​भेट झाली जरी समोरी, मने फार दूर गेलीl

जरी भेटलो समोरी, ओळखीची खूण गेली ll२ll

​येता येता शब्द ओठी, वाणी अबोल झाली l

मनातील भावनांची, इथे धुळधाण झाली ll३ll

​शोधतो मी आजही, ती माणसे हरवलेली l

अश्रूंच्या या पुरामध्ये, माणसे वाहून गेली ll४ll

​गैरसमजाची भिंत, नको तितकी वाढली l

आपुलकीची ती वाट, अंधारात हरवली ll५ll

​आरोपांच्या धुरळ्यात, माया ती विरून गेली l

आपुलकीची ती जागा, आता रिकामीच उरली ll६ll

कवी:- श्री. संभाजी रुक्मिणी कृष्णा घाडी,

वेताळ बांबर्डे, कुडाळ, सिंधुदुर्ग