तू फक्त सोबत राहावं फुले माझी तुझ्यासाठी,
तुझ्याच वेणीत सजवावी.
फुलासारखी तू नेहमी,
माझ्या अंतरंगी दरवळावी.
ऋतू कोणताही असो,
तुझी प्रीत बहरत रहावी.
प्रत्येक जन्मी हीच फुले,
मी तुझ्या केसांत माळावी.
तुझ्या असण्याने कळ्यांना,
एक नवी बहार यावी.
नसावा मोह गंधाचा मला,
श्वासात तुझी प्रीत असावी.
तू फक्त सोबत राहावं,
आपली हीच दुनिया व्हावी.
तुझी माझी सुंदर गोष्ट,
फुलांनी अजरामर करावी.
संभाजी कृष्णा घाडी
वेताळ बांबर्डे, कुडाळ, सिंधुदुर्ग
प्रेमाला शब्दांची गरज नसते,सोबतच त्याचा सर्वात सुंदर अर्थ असतो...
No comments:
Post a Comment