भजन मी गातो

भजन मी गातो

मंदिरात तुझ्या देवा,

भजन मी गातो l

मन शुद्ध करूनी, फुले मी वहातो llधृll

सुंदर तूझे रूप देवा,

आवडे मला हे l

चित्ती मी इच्छीत राही, रूप तूझे गावे ll

मज ठावे देवा तूला,

भजनात नाही गोडी l

परी माझी श्रद्धा आंधळी, भजन मी गातो ll1ll

कळे मज हे देवा,

परी ना अंगी वळे l

तुझ्या भजनाने देवा, सुख मला मिळे ll

स्वार्थ माझा हाची देवा,

चित्त शुद्ध व्हावे l

म्हणूनी देवा आज तूझे, भजन मी गातो ll2ll

वळतो मी इथूनी देवा,

ध्येय माझे साकारण्या l

पाठविले तू ज्या कारणा, तेची साध्य करण्या ll

द्यावा आशिर्वाद देवा,

जिद्ध माझी राखण्या l

स्वप्न तुझे फुलविण्या, वचन मी देतो ll3ll

*****   संभाजी  कृष्णा  घाडी

*****   वेताळ बांबर्डे